السلام عليكم و رحمة الله و بركاته ..
جبت لكم قصيدة للشاعر طارق المحياس ..
رائعة و تعجبني كثييير
أتمنى تعجبكم ..
على كيفك و إنت حـــر .. حبيبي قلبي متـــــعــــود ..
هـــذاك أول و قلـــــبي كان يبـكي فرقـــت أحبـــابه ..
إذا بتـــروح تفــضل روح .. بــس لا تقـــعد تمـــهد ..
ترى مـا في أحـد يســوى تــهل دمــوعـي بسبــــابه ..
أنا للحين ما تغيرت و لا أنك صرت خصمي و ندّ ..
و لاني عايـش بضيقة .. وضـعي إنــت أدرى بــه ..
و لكـن قلـت :: أنـا لازم أحـط لطيــبتي شوي حــدّ ..
عشــان الطيـبة ما تنـفع .. إذا إنــك عــايش بغــابه ..
تعبت أضحك و أجامل ناس يجازوني بعدها بصــدّ ..
صدق من قال عيش و شوف طبــاع الناس تتشــابه ..
أنا مــــا أقصــدك و الله .. نصيحة و أعتــبرهـا ودّ ..
ترى مـب كــل أســد يضحك إذ إنـك شـفت أنيـــابه ..
أبــد لا تحــسب الـدنـيا بتنـــثر فـوق دربــك شـــهد ..
و لا تــظن أنـــك الواحــد عشــانـك فــاتـحٍ بــــابــه ..
معاويـه كان قبل سنـين إذا شــدوا أبــد لا تـــشـــــدّ ..
ترى مب كل واحـد يـوم يعــصب يمـسك أعصــابه ..
أنــا غلــــطان يــوم إنـي أشــوف الدنـيا كلــها ورد ..
أنـــــا أغــرتـــني الــوردة شكــلــها حـيــل جــذابــه ..
نسيت الشوك في الوردة كثــير و صـعب ما ينــــعد ..
جرحني الشوك و أنا قصدي أبهدي الورد لأصحابه ..
أنا تعـــودت ع الصــدمة و قلـــبي صـــار متــعــود ..
و حـتى إلـي قــرت كــفي طلــعت وحــدة كـــذابـــه ..
أنا قـررت مـا أبـكـي على الفـرقـة و خيــانة عـــهد ..
مـدام الذئـب صـار خايــف يـكش عـن عيــنه ذبــابه ..
و سلامتكم ..
