وحشتني شوفة أصحابي ,,,

وحشتني شوفة أصحابي وربعي والغلا مستور..
أخبي عبرتي لامن ذكرت بيوم جمعتنا..
تغير قولنا أبلة وصرنا نقول يادكتور ..
نقول القاعة يادنيا زمان نقول حصتنا ..
جلست بداخل القاعة ذكرت أيامنا بالدور ..
وضحكن كان يحوينا ولاتكفي شطانتنا ..
نزعل بعض أحيان ولكن مانعرف نجور ..
ونرجع من بعد زعلة ترجعنا صداقتنا ..
نحاتي بعضنا دايم ويعجبنا رجل مشهور ..
سوالفنا عن الموضة عن الحب وعلاقتنا ..
وهذا اليوم قد صارت سنة راحت معاها شهور ..
وافكر كيف هالدنيا خذت منا وناستنا ..
أنا مابين ناس أغراب وسط قاعة مع دكتور ..
احاول أخنق العبرة وأنا اذكر كل حكايتنا ..
سمعت أغنيتين جابت من اقصاها بقايا شعور ..
يغنيها علي محمد وهي عيال حارتنا ..
رجا فيها الا يادنيا الا ليت الزمان يدور ..
ويرجع وقتنا الاول وننعم في بساطتنا ..
وانا رديت في بيتن من الخافق ولامكسور ..
اضحي بالعمر كله لجل ساعة بشلتنا ..
وابيع الناس والعالم وراه قبور ..
وكل راح يمشي له طريق يقول:عيشتنا ..
انا مابي سوى لحظة وعلى الفرقا أنا مجبور ..
نظيق اليوم من يقدر يبدل وضع ضيقتنا ..
ظلام دامس موحش انادي فالخفا يانور ..
ابي ربعن ليا من طحت عرفت شلون قيمتنا ..
بساطة في فرح دايم غلا صادق وله سرور ..
نخطط كيف بالكذبة نضيعها دراستنا ..
تخرجنا نعم أدري وكلن داخله مقهور ..
فرح لكن مع الفرحة دموع تضم حفلتنا ..
بكينا والبكى فينا ولالحظة ابد مهجور ..
دموع حرفها صادق وتعرف كيف وحشتنا ..
تعرفنا على ناس جديدة والغلا مستور ..
ولاحدن يوصل لحبن جمعنا وسط شلتنا ..

ما جستــير هبــال وونــاسة

مشكووره خيتو...

مآآننحرم يالغلآ...

تقبلي مروري..

العفووو..
منوووره حياتو